میرے نام پر پارکنگ پلازے ہیں نہ کوئی سٹوریج ہال، تمام اثاثے ڈکلیئرڈ ہیں، مونس الٰہی

لاہور: (دنیا نیوز) سابق وفاقی وزیر چودھری مونس الٰہی نے کہا ہے کہ میرے نام پر کوئی پارکنگ پلازے ہیں نہ ہی کوئی سٹوریج ہال، تمام اثاثے ڈکلیئرڈ ہیں۔

سماجی رابطے کی ویب سائٹ ٹوئٹر پر اپنے پیغام میں مونس الٰہی کا کہنا تھا کہ اگر اثاثوں میں کوئی اضافہ ہوا ہے تو وہ اگلے سال کے ٹیکس ریٹرنز میں سامنے آ جائے گا۔

All of my assets are declared. If there is any addition that came after 30th June, it will show up in next year’s tax return. I can confirm that I do not own any parking plazas nor do I own any storage halls. https://t.co/sgWf2diZOO

— Moonis Elahi (@MoonisElahi6) April 16, 2023

انہوں نے کہا کہ شوبازی دور میں مہنگائی کے اگلے پچھلے سب ریکارڈ ٹوٹ گئے، تازہ گیلپ سروے کے مطابق 91 فیصد پاکستانیوں کا اپنے ماہانہ اخراجات اٹھانا بھی مشکل ہو گیا۔

سابق وفاقی ویر نے کہا کہ مہنگائی کے مارے کروڑوں عوام کو مٹھی بھر مفت آٹا دے کر یہ حکومت ان کے زخموں پر مزید نمک چھڑک رہی ہے۔