بالی ووڈ انڈسٹری کے اداکارارشد وارثی نے اپنے شہرت یافتہ فلمی کردار ‘سرکٹ’ سے متعلق اہم انکشاف کرکے مداحوں کو حیران کر دیا۔
حال ہی میں بھارتی میڈیا کو انٹرویو دیتے ہوئے ارشد وارثی نے سال 2003 کی سپرہٹ فلم ‘منا بھائی ایم بی بی ایس’ میں اپنے کردار ‘سرکٹ’ کے حوالے سے ایسی باتیں بتائی جو آج تک کوئی نہیں جانتا تھا۔
بالی ووڈ ایکٹر نے ماضی کی یاد تازہ کرتے ہوئے بتایاکہ بطور معاون اداکار میرے لیے یہ انتہائی اہم ہے کہ فلم کا مرکزی کردار کون نبھا رہا ہے، یہ ہی وجہ ہے کہ 2003 کی فلم ‘منا بھائی ایم بی بی ایس’ میں ، میں سرکٹ کے کردار کےلئے راضی ہوا۔
ارشد وارثی نے انکشاف کیا کہ وہ سرکٹ کے کردار کے لیے اسی لیے راضی ہوئے کیونکہ فلم کے ہیرو سنجے دت تھے، ورنہ سرکٹ کا کردار بیوقوفوں والا تھا۔
انہوں نے مزید بتایاکہ کہ اس بات کا علم فلم کے ڈائیریکٹر راج کمار ہیرانی کو خود بھی تھا کہ سرکٹ کا کردار صرف کاغذ کے پرچے تک ہی اچھا لگ سکتا ہے لیکن خوش قسمتی سے اسے کافی پذیرائی ملی۔
