اسلام آباد (حالات نیوز ڈسک) برطانیہ جانے والے پاکستانیوں پر عائد سفری پابندیاں نرم کر دی گئیں۔ تفصیلات کے مطابق برطانوی حکومت نے مزید کئی ممالک کو سفری پابندیوں کی ریڈ لسٹ سے نکال دیا، جس کے بعد اب ریڈ لسٹ میں موجود ممالک کی تعداد صرف 7 رہ گئی۔ بتایا گیا ہے کہ پاکستان سمیت وہ تمام ممالک جو ریڈ لسٹ میں شامل نہیں ہیں، انہیں ریسٹ آف دی ورلڈ لسٹ میں شامل کیا گیا ہے، اس فہرست میں شامل ممالک سے برطانیہ ا?نیوالے مسافروں پر عائد سخت پابندیوں میں نرمی کردی گئی ہے، ایسے افراد کو اب ہوٹلوں میں قرنطینہ کی ضرورت نہیں ہوگی۔اس حوالے سے پاکستان میں تعینات برطانوی ہائی کمشنر کی جانب سے بھی ٹوئٹ کیا گیا ہے۔سفری پابندیوں سے متعلق برطانوی حکومت کے تازہ ترین فیصلے سے متعلق برطانوی ہائی کمشنر کرسچن ٹرنر کا کہنا ہے کہ کرونا کی تسلیم شدہ مکمل ویکسینیشن کے ساتھ برطانیہ جانیوالے پاکستانیوں کو اب برطانیہ میں قرنطینہ سے استثنیٰ ہوگا، انہیں نادرا سرٹیفکیٹس دکھا کر صرف 2 روز کے اندر ٹیسٹ کرانا ہوگا۔جبکہ اس حوالے سے میڈیا رپورٹس میں بتایا جا رہا ہے کہ برطانوی حکومت نے پاکستان میں لگائی جانے والی فائزر، آسٹرازینیکا اور موڈرنا کی ویکسین تسلیم کی ہیں۔ برطانوی حکام کے مطابق ریڈ لسٹ سے باہر ممالک کے ایسے مسافر جنہوں نے تسلیم شدہ ویکسین نہ لگوائی ہوں، ان افراد کو پہلے کی طرح سفر سے 2 روز قبل، برطانیہ پہنچنے کے دوسرے اور 8ویں دن کرونا ٹیسٹ کرانا ہوگا، جبکہ 10 روز کیلئے قرنطینہ بھی کرنا ہوگا۔ یہاں واضح رہے کہ برطانیہ نے کچھ روز قبل ہی شدید سفارتی دباو کے بعد پاکستان کو سفری پابندیوں کی ریڈ لسٹ سے خارج کیا تھا۔
انٹربینک اور اوپن مارکیٹ میں ڈالر کی قدر میں کمی
راہول گاندھی کاغریبی مٹانے کیلئے پاکستانی طریقہ اپنانے کا اعلان
سونے کی عالمی اور مقامی مارکیٹوں میں قیمت مسلسل دوسرے روز کم
بال سیدھا کرنے کیلئے ’اسٹریٹنر‘ کا استعمال کیسا ہے؟
اے این ایف کی کارروائیاں ، 384 کلومنشیات برآمد، 10 ملزمان گرفتار
گھریلو ملازمہ کے روپ میں وارداتیں کرنیوالی خواتین گینگ کی 2 ارکان گرفتار
شہر قائد میں بھی پنجاب پولیس کی طرز پر ڈولفن فورس تشکیل دینے کا منصوبہ
بلے باز برائن لارا کی آئندہ آئی سی سی ٹی ٹوئنٹی ورلڈ کپ 2024 کے سیمی فائنل اور فائنلسٹ کی پیشگوئی
عالمی مارکیٹ کے زیر اثر پاکستان میں سولر پینلز کی قیمتوں میں سالانہ بنیادوں پر اب تک 60 فیصد سے زائد کمی
’سکیورٹی اسٹیبلشمنٹ کے ٹاپ آفیشل کی طرف سے پیغام ملا پیچھے ہٹ جاؤ‘