دونوں ممالک کے درمیان اقتصادی تعلقات میں مزید ا ستحکام کے لیے عزم کا اعادہ
دوحہ ( انٹرنیشنل ڈیسک ) وزیراعظم شہباز شریف نے پاکستان اور قطر کے درمیان اقتصادی ترقی اور علاقائی استحکام کے قطر کے وژن کے مطابق پاکستان کے ساتھ تعلقات کو مضبوط بنانے کے لیے اپنے عزم کا اظہا ر کیا ہے دوحہ میں قطر کے وزیراعظم شیخ محمد بن عبد الرحمان الثانی سے ملاقات کے دوران گفتگو کرتے ہوئے شہبازشریف نے پاکستان کی اقتصادی ترقی میں قطر کے تعاون کو سراہا اور پاکستان میں مختلف شعبوں میں قطر کی مسلسل حمایت پر اظہار تشکر کیا.
انہوںنے دونوں ممالک کے درمیان اقتصادی تعلقات میں مزیدا ستحکام کے لیے پاکستان کے عزم کا اعادہ کیا اور دونوں ملک کے درمیان سرمایہ کاری، توانائی اور ثقافتی تبادلے جیسے شعبوں میں تعاون بڑھانے پر بھی تبادلہ خیال کیا گیا ملاقات میں قطری وزیراعظم نے خطے میں پاکستان کی اسٹریٹجک اہمیت کا اظہار کیا اوراقتصادی ترقی اور علاقائی استحکام کے قطر کے وژن کے مطابق پاکستان کے ساتھ تعلقات کو مظبوط بنانے کے لیے اپنے عزم کا بھی اظہار کیا ہے.
قطر کے وزیراعظم نے افغانستان سمیت خطے میں امن کے فروغ کے لیے پاکستان کے ساتھ ملکر کام کرنے کے عزم کا اظہار کیا وزیراعظم شہباز شریف نے غزہ تنازع پر قطر کے اصولی موقف اور خطے میں امن و استحکام کے فروغ کے لیے اس کی مسلسل کوششوں کو بھی سراہا ہے، وزیراعظم نے غزہ تنازع کے حل اور اس کے عوام کے مصائب کو کم کرنے کے لیے قطر کے انسانی ہمدردی کے اقدامات اور سفارتی کوششوں کی تعریف کی ہے.
وزیراعظم نے مشرق وسطی میں دیرپا امن کے فروغ کے لیے قطر کی اہمیت کو تسلیم کرتے ہوئے، مذاکرات کے سہولت کار اور علاقائی تنازعات کے منصفانہ حل کے لیے قطر کے کردار کو سراہا وزیراعظم شہباز شریف نے دونوں ملکوں کے درمیان اقتصادی تعلقات میں مزید استحکام کے لیے پاکستان کے عزم کا بھی اعادہ کیا، دونوں راہنماﺅں نے دو طرفہ تعلقات بالخصوص تجارت اور سرمایہ کاری پر تبادلہ خیال کیا گیا.
قطری وزیر اعظم نے خطے میں پاکستان کی اسٹریٹیجک اہمیت کا اظہار کرتے ہوئے، اقتصادی ترقی اور علاقائی استحکام کے قطر کے وژن کے مطابق پاکستان کے ساتھ تعلقات کو مضبوط بنانے کے لیے اپنے عزم کا اظہار کیا قطر کے وزیراعظم نے افغانستان سمیت خطے میں امن کے فروغ کے لیے پاکستان کے ساتھ مل کر کام کرنے کے عزم کا اظہار کیا. دونوں راہنماﺅں نے تعاون کو فروغ دینے اور ترقی کے نئے شعبوں کی نشاندہی کرنے کے لیے اعلی سطحی تبادلوں کو جاری رکھنے پر اتفاق کیا وزیراعظم شہباز شریف نے قطری سرمایہ کاروں کو پاکستان کے متنوع اقتصادی شعبوں بشمول زراعت، انفارمیشن ٹیکنالوجی اور سیاحت میں سرمایہ کاری کی دعوت دی.
انہوں نے غیر ملکی سرمایہ کاروں کے لیے سازگار ماحول فراہم کرنے کے لیے پاکستانی حکومت کے عزم اور حکمت عملی سے قطری وزیر اعظم کو آگاہ کیا وزیر اعظم محمد شہباز شریف نے قطر کے امیر اور وزیر اعظم شیخ محمد بن عبدالرحمان الثانی کا پر تپاک مہمان نوازی پر شکریہ ادا کیا اور کہا کہ ان کا یہ دورہ پاکستان اور قطر کے درمیان دوستی، باہمی احترام اور تعاون کے مضبوط تعلقات کو مزید مضبوط کرے گا.
