سڈنی(این این آئی) آسٹریلیا سے جاپان جانے والی جانے والی پرواز کے مسافروں کو جن میں خواتین اور بچے بھی شامل ہیں اس وقت شدید پریشانی اور الجھن کا سامنا کرنا پڑا جب سیٹس پر لگیں اسکرین پر فحش ویڈیو چل گئی۔عالمی خبر رساں ادارے کے مطابق پرواز کے مسافروں کے لیے ڈکوٹا جانسن اور شان پین کی ایک دلچسپ ڈرامائی فلم DADIO کا انتخاب کیا گیا تھا لیکن یہ انتخاب مسافروں اور خود ایئر لائن کے لیے حیران کن تھا۔
اس فلم میں جنسی اعضا کے مختصر لیکن واضح شاٹ، فحش مواد کے ساتھ مکالمے اور ٹیکسٹ میسجز بھی شامل تھے۔مسافر سیٹس پر لگی اسکرینز پر فحش مناظر سے پریشان ہوگئے جب کہ فلم کو روکنے، بند کرنے یا دوسری فلم کے انتخاب کے تمام آپشن غیرفعال ہوگئے تھے۔ایئرلائن کے عملے نے کافی کوششوں کے بعد اس فلم کو ہٹا کر بچوں کے لیے معروف تفریحی فلم لگادی لیکن مسافروں کو ایک گھنٹے تک کوفت اور پریشانی کا سامنا رہا۔جس پر آسٹریلوی کمپنی کوانٹاس نے مسافروں سے معافی مانگ لی۔
