واشنگٹن (این این آئی)امریکا کے سابق صدر اور ری پبلکن صدارتی امیدوار ڈونلڈ ٹرمپ نے ڈیموکریٹ امیدوار کاملا ہیرس کے ساتھ ایک اور مباحثہ کرنے سے انکار کردیا۔
غیرملکی خبررساں ادارے کے مطابق سوشل میڈیا پر بیان میں ٹرمپ کا کہنا تھا کہ کاملا ہیرس کے ساتھ ایک اور مباحثے میں حصہ نہیں لوں گا۔انہوں نے بتایا کہ ایک مباحثہ جون میں بائیڈن اور دوسرا کاملا ہیرس کے ساتھ ہوا۔سابق امریکی صدر ڈونلڈ ٹرمپ کا مزید کہنا تھا کہ اب کوئی تیسرا مباحثہ نہیں ہوگا۔
