اسلام آباد(این این آئی)حکومت نے تمام وفاقی سرکاری ملازمین کیلیے نئی کنٹریبیوٹری پنشن فنڈ اسکیم متعارف کروا دی ہے۔نجی ٹی وی کے مطابق وفاقی حکومت کی جانب سے متعارف کرائی گئی پنشن اسکیم کے حوالے سے وزارت خزانہ نے آفس میمورنڈم جاری کردیا ہے جس میں کہا گیا کہ یہ اسکیم ان تمام ملازمین پر لاگو ہوگی جو یکم جولائی 2024یا اس کے بعد مستقل بنیادوں پر بھرتی کیے جائیں گے۔میمورنڈم کے مطابق اسکیم میں دفاعی بجٹ سے تنخواہ پانے والے سویلین ملازمین بھی شامل ہیں۔ یہ اسکیم یکم جولائی 2025یا اس کے بعد مستقل بنیادوں پر بھرتی ہونے والے مسلح افواج کے اہلکاروں پر بھی لاگو ہوگی۔
