اسلام آباد (این این آئی)نیشنل الیکٹرک پاور ریگولیٹری اتھارٹی (نیپرا)نے بجلی صارفین کی شکایات کے اندراج کے لیے ایپلی کیشن لانچ کر دی۔
نیپرا آسان اپروچ ایپ سے ملک بھر میں بجلی سے متعلق شکایات درج کرائی جاسکیں گی اس حوالے سے چیئرمین نیپرا وسیم مختار نے کہا کہ نیپرا پر تنقید کی جاتی ہے کہ صارف کے لیے نیپرا کیا کر رہا ہے، بجلی سے متعلق زیادہ تر شکایات گھریلو صارفین کی ہوتی ہیں۔ٹیکنیکل ممبر رفیق شیخ نے کہا کہ ہر سال بجلی صارفین کی سالانہ 20 ہزار شکایات آتی ہیں۔نیپرا حکام نے بتایا کہ شکایات کے تناسب کے مطابق بجلی کمپنیوں کے افسران کے خلاف کارروائی بھی ہو گی۔
