جدہ(این این آئی )سعودی عرب کے شہر الجوف کے قریب طبرجل کے علاقے میں دلہن، اس کے والدین اور بھائی شادی سے چند گھنٹے پہلے ٹریفک حادثے میں ہلاک ہوگئے۔عرب ٹی وی کے مطابق دلہن کے ایک رشتے دار احمد عاید المزودی نے میڈیا سے گفتگو میں بتایا کہ حادثہ صدیع کے علاقے میں گاڑی کے ایک ٹائر میں خرابی کے باعث پیش آیا جب گاڑی فٹ پاتھ سے ٹکرا کر الٹ گئی۔
انہوں نے کہا کہ حادثہ اس قدر شدید تھا کہ دلہن حمس اور اس کے والد بسام علی الشراری اور والدہ امانی الشراری موقع پر دم توڑ گئے جبکہ زخمی بھائی بتال کو ہسپتال لے جایا گیا جہاں وہ بھی چل بسا۔ خاندان جو شادی کی خوشی منانے کی تیاری کر رہا تھا اس پر غم کے پہاڑ ٹوٹ پڑے۔
