اسلام آباد (این این آئی) نئے مالی سال کے پہلے ہی ہفتے میں سیمنٹ کی قیمتوں میں ریکارڈ اضافہ کردیا گیا۔تفصیلات کے مطابق نئے مالی سال کے پہلے ہی ہفتے میں سیمنٹ کی 50کلو بوری کی قیمت میں 207روپے تک کا اضافہ کردیا گیا جس کے بعد سیمنٹ کی بوری کی قیمت 1500روپے تک پہنچ گئی۔ لاہور اور پشاور میں دیگر شہروں کے مقابلے میں سیمنٹ کی قیمتیں سب سے زیادہ ہیں۔
ایک ہفتے میں لاڑکانہ میں سیمنٹ کی 50کلو بوری 207روپے تک مہنگی ہوئی، پشاور 177، بنوں 163، کوئٹہ اور سرگودھا 160، اور ملتان میں سیمنٹ کی بوری کی قیمت میں 155روپے مہنگی ہوئی۔کراچی اور لاہور میں سیمنٹ کی بوری 150روپے مہنگی ہوئی، اسلام آباد 151، گوجرانوالہ 147 ،فیصل آباد 140،سیالکوٹ 130،حیدر آباد 120اور راولپنڈی میں سیمنٹ کی بوری کی قیمت میں 107روپے تک بڑھ گئی ہے جبکہ ایک ہفتے میں خضدار میں سیمنٹ کی 50کلو بوری 23روپے تک مہنگی ہوئی۔
