عالمی سطح پر سونے کے بھاؤ کم اور پاکستان میں بڑھ گئے

کراچی (این این آئی)ملکی صرافہ مارکیٹوں میں سونا مہنگا ہو گیا ۔جمعرات کے روزفی تولہ سونے کی قیمت میں400روپے کاا ضافہ ہوا جس کے بعد ایک تولہ سونے کی قیمت 2 لاکھ 40 ہزار600 روپے سے بڑھ کر2لاکھ41ہزار روپے پر پہنچ گئی ۔آل پاکستان سپریم کونسل جیولرز ایسوسی ایشن کی رپورٹ کے مطابق دس گرام سونے کی قیمت میں 343 روپے کے اضافے سے 2 لاکھ6 ہزار619 روپے ہو گئی ۔تاہم چاندی کی فی تولہ قیمت 2850 روپے پر مستحکم رہی ۔علاوہ ازیں عالمی مارکیٹ میں 9ڈالر کی کمی سے فی اونس سونا2304 ڈالر رہ گیا۔