اسلام آباد(این این آئی)حکومت کی جانب سے آئندہ ماہ کے پہلے پندرہواڑے میں(کل)یکم اپریل2024سے پیٹرول کی قیمتوں میں 9.94روپے فی لیٹر اضافہ کیے جانے کا امکان ہے۔میڈیارپورٹس کے مطابق پیٹرولیم مصنوعات کی قیمت میں اضافے کی بڑی وجہ ہے کہ امریکی کمپنی موگاس نے اپنی پیداوار کم کر دی ہے اور یوں امریکی حکومت کی جانب سے موٹر اسپرٹ کی درآمد میں اضافہ کر دیا گیا ہے اور اس کی وجہ سے عالمی منڈی میں پیٹرولیم مصنوعات کی قیمتیں بڑھ گئی ہیںتاہم ہائی اسپیڈ ڈیزل کی قیمتیں 1.30روپے کم ہونے کا امکان ہے کیونکہ بین الاقوامی منڈی میں اس کی طلب کم اور رسد زیادہ ہے۔
حکومت اور صنعتی ذرائع کے مطابق پیٹرولیم مصنوعات کی قیمتوں میں (کل)یکم اپریل سے 15اپریل 2024تک کیلئے قیمت 279.75روپے سے بڑھا کر 289.69ہونے اور ہائی اسپیڈ ڈیزل کی قیمت 285.49روپے سے کم ہوکر 284.26روپے ہونے کاامکان ہے۔ لائٹ ڈیزل کی قیمت میں0.45پیسے بڑھ کر 168.63روپے ہو سکتی ہے جبکہ کیروسین کی قیمت 188.49روپے سے بڑھ کر 188.66روپے روپے ہو سکتی ہے۔
