کراچی: (کامرس ڈیسک) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔ بین الاقوامی مارکیٹ میں فی اونس سونے کی قیمت 6 ڈالر کے اضافے کیساتھ 2 ہزار 180 ڈالر ہوگئی جبکہ پاکستان میں فی تولہ سونے کی قیمت میں 450 روپے اور فی دس گرام سونے کی قیمت میں 386 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 2 لاکھ 28 ہزار 600 روپے اور فی دس گرام سونے کی قیمت ایک لاکھ 95 ہزار 988 روپے ہوگئی۔
