ریاض(این این آئی)سعودی عرب میں 6وزارتوں میں کام کرنے والے 141افراد کو بد عنوانی کے الزام میں گرفتار کر لیا گیا ۔عرب میڈیا کے مطابق سعودی عرب کے ادارہ انسداد بد عنوانی نے مملکت میں 6وزارتوں میں کام کرنے والے 141افراد کو بد عنوانی کے الزام میں گرفتار کر لیا ہے۔
رپورٹ کے مطابق گرفتار ملزمان کا تعلق وزارت داخلہ، وزارت نیشنل گارڈ، وزارت انصاف، وزارت صحت، وزارت تعلیم اور وزارت بلدیاتی مور سے ہے جن پر منی لانڈرنگ، رشوت ستانی، جعلسازی اور منصب کے ناجائز استعمال کے الزامات ہیں اور انہیں ضابطے کی کارروائی مکمل کرنے کے بعد سزا کیلئے عدالت میں پیش کیا جائے گا۔اس حوالے سے ادارہ انسداد کرپشن نے بتایا کہ گزشتہ ماہ دسمبر 2023کے دوران مختلف وزارتوں کے 1481دورے کیے گئے جن میں 207افراد سے تفتیش کی گئی۔
