ملک میں سیمنٹ کی قیمتوں میں ہفتہ وار بنیادوں پر کمی ریکارڈ

لاہور( این این آئی)ملک میں سیمنٹ کی ریٹیل قیمت میں گزشتہ ہفتے کے دوران کمی ریکارڈکی گئی۔اعدادوشمار کے مطابق28دسمبر کو ختم ہونے والے ہفتے میں ملک کے شمالی علاقوں میں سیمنٹ کی فی بوری کی اوسط قیمت 1256روپے ریکارڈ کی گئی جو پیوستہ ہفتے کے 1262روپے کے مقابلے میں 0.48فیصد کم ہے۔رپورٹ کے مطابق ملک کے جنوبی علاقوں میں گزشتہ ہفتے کے دوران سیمنٹ کی فی بوری کی اوسط قیمت 1189روپے ریکارڈ کی گئی جو پیوستہ ہفتے میں بھی 1189روپے تھی۔

اعدادوشمار کے مطابق اسلام آباد میں سیمنٹ کی فی بوری کی اوسط قیمت 1233، راولپنڈی 1227، گوجرانوالہ 1280، سیالکوٹ1300، لاہور 1300، فیصل آباد 1250، سرگودھا 1243، ملتان 1267،بہاولپور 1300، پشاور 1217اوربنوں میں 1119روپے ریکارڈ کی گئی۔دوسری جانب کراچی میں سیمنٹ کی فی بوری کی اوسط قیمت 1157،حیدرآباد1180، سکھر1250، لاڑکانہ 1173، کوئٹہ 1205اور خضدار میں سیمنٹ کی فی بوری کی اوسط قیمت 1170 روپے ریکارڈکی گئی۔