اسلام آباد(این این آئی)حکومت نے آئندہ 15روز کیلئے پیٹرول اور ڈیزل کی قیمتیں برقرار رکھنے کافیصلہ کیاہے جبکہ مٹی کا تیل 2روپے19پیسے فی لیٹرسستاکرنے اورلائٹ ڈیزل ایک روپے 11پیسے مہنگاکرنے کی منظوردی ہے۔پیٹرولیم ڈویژن کے مطابق وزیراعظم نے پیٹرولیم مصنوعات کی قیمتوں میں ردوبدل کی منظوری دے دی ہے۔پیٹرولیم ڈویژن کے مطابق آئندہ 15روز کیلئے پیٹرول اور ڈیزل کی قیمتیں برقرار رہیں گی۔پیٹرولیم دویژن نے بتایاکہ مٹی کا تیل 2روپے 19پیسے فی لیٹر سستا کرنے کی منظوری دی گئی ہے،اس کے علاوہ لائٹ ڈیزل آئل ایک روپے 11پیسے مہنگا کرنے کی منظوری دی گئی ہے۔پیٹرولیم ڈویژن کے مطابق نئی قیمتوں کااطلاق رات12سے ہوگیاہے ۔
