لاہور( این این آئی)پٹرولیم مصنوعات کی قیمتوں میں کمی کے بعد کرائے بھی کم کرنے کا اعلان کردیا گیا۔سیکرٹری ریجنل ٹرانسپورٹ اتھارٹی کے مطابق ٹرانسپورٹرز یونین سے پٹرول کی قیمت میں کمی پرمیٹنگ کی اور پٹرول میں کمی کے تناسب سے کرائے بھی کم کرنے کو کہا گیا ہے ۔سیکریٹری آر ٹی اے کے مطابق ٹرانسپورٹرز پنجاب بھر میں 7 فیصد کرائے کم کرنے پر متفق ہوگئے ہیں، نیا کرایا نامہ تیار کیا جا رہا ہے جو جلد ٹرانسپورٹر کو فراہم کر دیا جائے گا، نئے کرایوں کے بینرز بھی بس اڈوں پر آویزاں کیے جائیں گے۔
