کراچی(این این آئی) عالمی مارکیٹ میں سونے کی قیمت میں اضافہ ہوگیا، جب کہ مقامی سطح پر سونے کی قیمت بغیر کسی رد و بدل کے برقرار ہے۔بین الاقوامی بلین مارکیٹ میں سونے کی فی اونس قیمت میں 2 ڈالر کا اضافہ ہوگیا،جس سے نئی قیمت 2 ہزار 64 ڈالر کی سطح پر پہنچ گئی۔
دوسری جانب مقامی صرافہ مارکیٹوں میں جمعرات کے روز 24 قیراط سونے کی فی تولہ قیمت بغیر کسی رد و بدل کے 2 لاکھ 21 ہزار روپے پر مستحکم ہے۔ اسی طرح فی 10 گرام سونے کی قیمت میں بھی کوئی تبدیلی نہیں ہوئی اور مارکیٹ میں فی 10 گرام سونا ایک لاکھ 89 ہزار 472 روپے کی قیمت پر برقرار ہے۔دریں اثنا مقامی مارکیٹ میں چاندی کی فی تولہ قیمت بھی بغیر کسی تبدیلی کے 2620روپے اور فی 10گرام چاندی کی قیمت بغیر کسی رد و بدل کے 2246.21روپے پر مستحکم ہے۔
