لاہور(نیوز ڈیسک) پاک سوزوکی موٹر کمپنی (پی ایس ایم سی) نے اپنے کسٹمرز کو بغیر سود آسان اقساط پر موٹرسائیکلز دینے کا اعلان کر دیا۔تفصیلات کے مطابق کمپنی کے اعلان کے مطابق کسٹمرز سوزوکی موٹرسائیکلز 24ماہ کی اقساط پر حاصل کر سکتے ہیں۔ اس کے لیے کمپنی کی طرف سے پیشگی ادائیگی اور پراسیسنگ فیس میں بھی کمی کی گئی ہے۔
رپورٹ کے مطابق کمپنی کی طرف سے پروسیسنگ فیس میں 5ہزار روپے کی کمی کی گئی ہے۔ اس کے علاوہ اب بغیر سود سوزوکی موٹرسائیکلز لینے کے لیے کسٹمرز کو صرف 25فیصد قیمت پیشگی ادا کرنی ہو گی۔ واضح رہے کہ یہ آفر محدود مدت کے لیے ہے، سوزوکی موٹرسائیکلز کے دلدادہ دسمبر 2023ءتک اس آفر سے فائدہ اٹھا سکتے ہیں۔
