سونے کی قیمت میں مزید اضافہ ہو گیا

اسلام آباد( نیوزڈیسک) ملک بھر میں سونے کی قیمت میں دوسرے روز بھی اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں ہزار روپے کا اضافہ ہوا جس کے بعد اب ملک میں سونے کی فی تولہ قیمت 2لاکھ 12 ہزار 800 ہوگئی ہے۔اس کے علاوہ 10 گرام سونے کا بھاو 858 روپے اضافے سے ایک لاکھ 82 ہزار 442 روپے کا ہوگیا۔دوسری جانب عالمی مارکیٹ میں سونے کی قیمت میں 5 ڈالر کے اضافے کے بعد فی اونس سونے کا بھاو 1965 ڈالر کا ہوگیا۔