نئی دہلی (این این آئی)بھارت کے ارب پتی تاجر مکیش امبانی کو 20 کروڑ بھارتی روپے نہ دینے کی صورت میں قتل کی دھمکی دینے والے افراد نے اب 200 کروڑ دینے کا مطالبہ کر دیا۔گزشتہ روز بھارتی پولیس نے بتایا تھا کہ مکیش امبانی کو ای میل پر قتل کی دھمکی موصول ہوئی ہے جس میں کہا گیا ہے کہ 20 کروڑ روپے ادا کرو ورنہ ہمارے پاس بھارت کے بہترین شوٹرز ہیں۔
بھارتی میڈیا کے مطابق مکیش امبانی کو اسی ای میل اکانٹ سے ایک اور دھمکی موصول ہوئی ہے۔بھارتی پولیس کے مطابق مکیشن امبانی کو موصول ہونے والی دھمکی میں اب 20 کروڑ کے بجائے 200 کروڑ بھارتی روپے کا مطالبہ کیا گیا اور کہا گیا کہ پچھلی ای میل کا جواب نہ دینے کی وجہ سے رقم 20 کروڑ روپے سے بڑھا کر 200 کروڑ روپے کر دی گئی ہے۔بھارتی میڈیا کے مطابق زیر غور ای میل کے موصول ہونے کے بعد مکیش امبانی کے سکیورٹی انچارج کی جانب نامعلوم شخص کیخلاف ایف آئی آر درج کرادی گئی ہے۔
