واشنگٹن: (انٹرنیشنل ڈیسک) امریکی دفتر خارجہ کے ترجمان میتھیو ملر نے کہا ہے کہ ہردیپ سنگھ کا قتل ایک حساس معاملہ ہے جس پر امریکہ کو تشویش ہے۔
امریکی دفتر خارجہ کے ترجمان میتھیو ملر نے میڈیا سے بات چیت کرتے ہوئے کہا کہ جو الزامات کینیڈین صدر جسٹن ٹروڈو نے شواہد کی بنیاد پر بھارت پر لگائے ہیں ان پر ہمیں گہری تشویش ہے، امریکہ اپنے شراکت دار ملک کینیڈا کے ساتھ رابطے میں ہے۔
ان کا کہنا تھا کہ کینیڈا کی نجر کے قتل کی تحقیقات جاری ہیں اور مجرموں کو انصاف کے کٹہرے میں لایا جائے گا، امریکہ نے بھارت کے اوپر نجی اور عوامی سطح پر تحقیقات میں کینیڈا کے ساتھ تعاون پر زور دیا ہے۔
