میزائل نے عمودی اڑان بھرتے ہوئے ایک ہزار کلو میٹر کا فاصلہ کامیابی سے طے کیا ، میڈیارپورٹ
بیانگ یانگ ( انٹرنیشنل ڈیسک ) امریکی انتخابات سے چند دن قبل شمالی کوریا نے بین البراعظمی بیلسٹک میزائل کا کامیاب تجربہ کر دیا۔امریکی میڈیا کے مطابق شمالی کوریا نے بین البراعظمی میزائل تجربے کی تصدیق کر دی ہے۔
شمالی کوریا کے سربراہ کم جونگ ان نے بتایا کہ آئی سی بی ایم میزائل تجربہ مناسب فوجی کارروائی، دشمنوں کا مقابلہ کرنے کے عزم کا اظہار اور ملکی سلامتی کیلئے خطرہ بننے والے دشمنوں کیلئے انتباہ ہے۔
میڈیا کی رپورٹس کے مطابق شمالی کوریا کے میزائل نے عمودی اڑان بھرتے ہوئے 1 ہزار کلو میٹر کا فاصلہ کامیابی سے طے کیا اور جاپان کے خصوصی اقتصادی زون سے باہر سمندر میں جا گرا۔بیلسٹک میزائل نے گرنے سے قبل 86 منٹ تک 7 ہزار کلومیٹر کی ممکنہ اونچائی تک پروازکی۔
