امارات میں مہلت سے ایکسپائر وزٹ ویزے والے بھی فائدہ اٹھا سکیں گے

دبئی(این این آئی )متحدہ عرب امارات کے پاسپورٹ اینڈ امیگریشن اتھارٹی نے کہا ہے کہ وزٹ ویزے پر آنے والے وہ غیرملکی جن کے ویزے ایکسپائر ہو چکے ہیں اور وہ امارات میں ملازمت کرنے کے خواہاں ہیں وہ بھی اپنے لیے ورک پرمٹ حاصل کرنے کے مجاز ہوں گے۔عرب ٹی وی کے مطابق پاسپورٹ اتھارٹی کی جانب سے جاری بیان میں کہا گیا ہے کہ غیرملکیوں کے لیے اصلاح حال مہم 31 اکتوبر تک جاری رہے گی۔اس دوران غیرقانونی مقیم متعلقہ اداروں سے رجوع کر کے اپنا قیام قانونی بنا سکتے ہیں۔