بیروت: ( انٹرنیشنل ڈیسک ) اسرائیلی فوج کے حملے کے جواب میں لبنانی تنظیم حزب اللہ نے شمالی اسرائیل میں اسرائیلی فوجی تنصیبات پر راکٹ داغ دیئے۔ غیر ملکی میڈیا رپورٹس کے مطابق اسرائیلی فورسز کی جانب سے حزب اللہ کےراکٹ لانچر پیڈز اور دیگراہداف پر 400 سے زائد حملے کیے گئے جن کا حزب اللہ نے بھرپور جواب دیا۔
میڈیا رپورٹس میں بتایا گیا کہ حزب اللہ نے اسرائیل کو بھرپور جواب دیتے ہوئے حیفہ میں رمات ڈیوڈ فوجی اڈے کونشانہ بنایا اور راکٹوں کی بارش کردی جس سے کئی مقامات پرآگ بھڑک اٹھی۔
کشیدہ حالات کے پیش نظر اسرائیل نے شہریوں کومحتاط رہنےکی ہدایت کی جبکہ شمالی اسرائیل میں عوامی اجتماعات پرپابندی اور سکولز بند کردیئے گئے۔
ادھر امریکا نے اپنے شہریوں کو لبنان چھوڑنے کی ہدایت کرتے ہوئے کہا ہے کہ لبنان میں کشیدگی کی وجہ سے امریکی شہری فوری طور پر لبنان چھوڑ دیں۔
لبنانی میڈیا کے مطابق بیروت میں پیجرز حملوں میں جاں بحق افراد کی تعداد 70 ہوگئی ہے۔
سیکرٹری جنرل اقوام متحدہ انتونیو گوتریس نے انسانی جانوں کے ضیاع پر افسوس کا اظہار کرتےہوئے کہا ہے کہ لبنان کو ایک اور غزہ میں تبدیل ہونے سے بچانا ہوگا، سلامتی کونسل ویٹو پاور کی وجہ سے مفلوج ہے۔
