نیویارک(این این آئی )امریکی کاروباری ایلون مسک نے کہا کہ اگر موجودہ نائب صدر اور ڈیموکریٹک امیدوار کملا ہیرس آئندہ صدارتی انتخابات جیت جاتی ہیں تو امریکا ایپ سٹورز سیایکس کو ہٹانے کا مطالبہ کرے گا۔ تاس کے مطابق ایلون مسک نے ایکس پر لکھا کہ جعلی جج ایپل اور گوگل کو مجبور کر رہے ہیں کہ وہ اپنے ایپ سٹورز سے ایکس کو ہٹا دیں۔انہوں نے مزید کہا کہ اگرکملا ہیرس جیت گئیں تو ایسا ہی ہو گا۔
واضح رہیایکس نے 17 اگست کو اعلان کیا کہ وہ اپنے ملازمین کو دھمکیوں کی وجہ سے برازیل میں اپنا دفتر بند کر رہا ہے۔کمپنی نے دعوی کیا کہ اس نے برازیل کی سپریم کورٹ کے جج الیگزینڈر ڈی موریس سے ایک خفیہ حکم نامہ حاصل کیا ہے جس میں اس نے کمپنی کے مقامی قانونی مشیر کے خلاف مقدمہ چلانے کی دھمکی دی ہے جب تک کہ ایکس نے بعض اکانٹس کو بلاک کرنے کے احکامات کی تعمیل نہیں کی۔ بعد میں، ڈی موریس نے ایکس پر ایک پوسٹ کیا، جس میں مسک سے 24 گھنٹے کے اندر ملک میں ایک اور قانونی نمائندہ مقرر کرنے کا مطالبہ کیا گیا۔ اس کے علاوہ برازیل میں مسک کا اسٹار لنک ہولڈنگ اکانٹ بلاک کر دیا گیا تھا۔
