واشنگٹن(این این آئی)امریکا نے فلسطین کی مزاحمتی تنظیم حماس کے سیاسی سربراہ اسماعیل ہنیہ پر حملے اور قتل میں ملوث ہونے کی تردید کردی۔غیرملکی میڈیاکے مطابق امریکا کے وزیر خارجہ انٹونی بلنکن نے ایک انٹرویو میں کہاکہ حماس کے رہنما اسماعیل ہنیہ کی موت میں امریکا ملوث نہیں۔امریکی وزیر خارجہ انٹونی بلنکن نے کہا کہ غزہ میں جنگ بندی اور یرغمالیوں کی رہائی اہم ہے، کشیدگی کو کم کرنے کا بہترین طریقہ جنگ بندی ہے۔
