کراچی (این این آئی)ملک بھر میں جمعہ کو کاروباری ہفتے کے آخری روز سونے کی فی تولہ قیمت مستحکم رہی۔آل پاکستان جیمز اینڈ جیولرز ایسوسی ایشن کے مطابق ملک بھر میں فی تولہ سونے کی قیمت میں کوئی ردوبدل نہیں ہوئی۔ فی تولہ سونے کی قیمت 2 لاکھ 43 ہزار پر برقرار ہے۔
ایسوسی ایشن کے مطابق 10 گرام سونا بھی 2 لاکھ 8 ہزار 333 روپے میں فروخت ہو رہا ہے۔خیال رہے کہ گزشتہ روز سونے کی قیمت میں 2 ہزار 400 روپے فی تولہ اضافہ ریکارڈ کیا گیا تھا۔ادھر عالمی منڈی میں سونے کا بھا 2 ہزار 362 ڈالر فی اونس ہے۔
