لاہور(این این آئی)پنجاب حکومت نے روٹی کی قیمت میں مزید کمی کر دی۔تفصیلا ت کے مطابق پنجاب حکومت کی جانب سے صوبے میں سادہ روٹی کی نئی قیمت 14روپے مقرر کی گئی ہے جس کااطلاق (آج)جمعہ سے ہوگا۔
روٹی کی قیمت میں کمی سے متعلق وزیراعلیٰ پنجاب مریم نواز نے بیان جاری کرتے ہوئے کہاکہ مختلف شہروں میں روٹی کی قیمت 12سے 14روپے مقرر ہے جبکہ لاہور میں سادہ روٹی کی قیمت 14روپے مقرر کی گئی ہے۔واضح رہے کہ اس سے قبل پنجاب حکومت نے صوبے میں روٹی کی قیمت کم کرکے 16روپے مقرر کی تھی۔
