کراچی(این این آئی)ملک بھر میں گیس کی قیمتوں کا یکساں فارمولا لانے کی کوششں شروع ہوگئی ہیں۔ذرائع کے مطابق گیس کی قیمتوں کا یکساں فارمولا لانے کی کوششں جاری ہے جس کے تحت مقامی اور درآمدی گیس کے نرخوں کو ملا کر ٹیرف کا تعین کیا جائے گا۔وزارت پٹرولیم کے شعبہ گیس نے اس حوالے سے شراکت داروں سے تجاویز بھی مانگ لی ہیں۔
ذرائع نے بتایا کہ اس پالیسی سے گیس کے شعبے میں گردشی قرض ختم ہو جائے گا۔حتمی تجاویز وزیراعظم شہباز شریف کو پیش کی جائیں گی جس کے بعد ای سی سی اور کابینہ سے منظوری لی جائے گی ۔سو ہیکٹومیٹر سے کم والے گھریلو صارفین کیلئے سبسڈی کا طریقہ کار حکومت طے کرے گی ۔
