لاہور( این این آئی) اوگرانے ماہ فروری کے لئے ایل پی جی کی قیمت کا نوٹیفکیشن جاری کر دیا ، فروری کے لئے قیمت میں 1روپے فی کلواضافہ کر کیا گیاہے جس کے بعد گھریلو سلنڈ14روپے اور کمرشل سلنڈرکی قیمت میں53روپے اضافہ ہوگیا ،سرکاری پیداواری قیمت میں 1166روپے فی میٹرک ٹن کا اضافہ ہوا ہے ۔
نوٹیفکیشن کے مطابق اب ایل پی جی256روپے فی کلوکی بجائے 257 روپے فی کلوگرام فروخت ہوگی ۔ گھریلو سلنڈر3026روپے کی جگہ3040روپے جبکہ کمرشل سلنڈر11642 روپے کی جگہ11695 روپے میں دستیاب ہوگا۔ایل پی جی ڈسٹری بیوٹرز ایسوسی ایشن کے چیئرمین عرفان کھوکھر کے مطابق لاہور سمیت ملک بھر میں کسی بھی جگہ سرکاری قیمت پر ایل پی جی دستیاب نہیں ۔
