ریاض (این این آئی)سعودی عرب میں غلط جگہ سے سڑک پار کرنے پر پاکستانی کو بھاری جرمانے کی ویڈیو سوشل میڈیا پر وائرل ہوگئی۔ تفصیلات کے مطابق سعودی جنرل ڈپارٹمنٹ آف ٹریفک نے گزشتہ دنوں اعلان کیا تھا کہ شاہرائوں کو عبور کرنیوالے پیدل چلنے والوں پر 2ہزار ریال تقریبا ڈیڑھ لاکھ پاکستانی روپے تک کے بھاری جرمانے عائد کئے جائیں گے۔سعودی ٹریفک اہلکاروں کی جانب سے ٹریفک قوانین پر عملدر آمد شروع کردیا گیا جس کے بعد غلط جگہ سے سڑک پار کرنیوالے پاکستانی کو 2 ہزار ریال کا جرمانہ عائد کردیا گیاجس کی ویڈیو سوشل میڈیا پر وائرل ہو رہی ہے ۔
