برانڈڈ چائے کی قیمتوں میں کمی کردی گئی

اسلام آباد (این این آئی)ملک بھر کے تمام یوٹیلیٹی سٹورز پر برانڈڈ چائے کی قیمتوں میں بڑی کمی کردی گئی۔ ترجمان یوٹیلیٹی سٹور کارپوریشن کے مطابق ملک بھر کے تمام یوٹیلیٹی سٹورز پر برانڈڈ چائے کی قیمتوں میں 60سے 110روپے کی کمی کی گئی ہے۔ ترجمان کے مطابق اب چائے کا 800گرام پیک 2195کی بجائے 2085میں، 430گرام پیک1197کی بجائے 1137میں دستیاب ہوگا۔ترجمان نے بتایا کہ چائے کا 900گرام پیک 1792کی بجائے 1732روپے میں فراہم کیا جائیگا ۔