نگراں وزیر خزانہ ڈاکٹر شمشاد اختر نے کہا ہے کہ ڈیم فنڈز میں اس وقت 17 ارب 86 کروڑ روپے موجود ہیں۔
سینٹ اجلاس میں ڈیم فنڈز کے حوالے سے نگراں وزیر خزانہ نے تحریری جواب جمع کرادیا۔
انہوں نے جواب دیا کہ ڈیم فنڈز میں اس وقت 17 ارب 86 کروڑ روپے موجود ہیں، اب تک کوئی رقم فنڈ سے باہر نہیں نکالی گئی، یہ رقم صرف عدلیہ کے فیصلے پر ہی نکالی جاسکے گی۔
ڈاکٹر شمشاد اختر نے تحریری جواب میں بتایا کہ جولائی تک چیف جسٹس وزیراعظم ڈیم فنڈ میں رقوم کی مالیت 11 ارب 46 کروڑ روپے تھی، جس پر سرکاری منافع کی صورت میں 6 ارب 29 کروڑ روپے موصول ہوئے۔
