کیماڑی میں مین ہول سے پرانا اسلحہ برامد

کراچی کے علاقے کیماڑی میں مین ہول سے پرانا اسلحہ برامد ہوا ہے، اسلحہ پرانا، زنگ آلود اور خستہ حالت میں ہے۔

ایس ایس پی کیماڑی کے مطابق ویسٹ وہارف کیماڑی پر پی ٹی سی ایل کے مین ہول سے پرانے اسلحہ سےبھرا بورا برآمد ہوا، مین ہول میں اسلحہ موجودگی کی اطلاع پی ٹی سی ایل ایکسچینج کے ملازم نے دی۔

برآمد اسلحہ میں تین ایس ایم جی رائفل، 12 بور ریپیٹر اور مختلف اسلحہ کی گولیاں شامل ہیں، برآمدہ اسلحہ پرانا، زنگ آلود اور خستہ حالت میں ہے، جسے فرانزک ٹیسٹ کے لئے لیبارٹری بھیجا گیا ہے۔

تھانہ ڈاکس میں نا معلوم افراد کے خلاف مقدمہ کا اندراج کرکے مزید تفتیش کی جا رہی ہے۔