وفاقی حکومت کا پیٹرولیم مصنوعات کی قیمتیں برقرار رکھنے کا فیصلہ، ذرائع

وفاقی حکومت کا پیٹرول اور ڈیزل کی قیمتیں برقرار رکھنے کا فیصلہ کیا ہے۔

وزارت خزانہ نے پیٹرول اور ڈیزل کی قیمتیں برقرار رکھنے کا نوٹیفکیشن جاری کر دیا۔

نوٹیفکیشن کے مطابق پیٹرول کی قیمت 283 روپے 38 پیسے فی لیٹر اور ہائی اسپیڈ ڈیزل کی قیمت 303 روپے 18 پیسے فی لیٹر برقرار ہے۔

نوٹیفکیشن کے مطابق مٹی کے تیل کی قیمت میں 3 روپے 82 پیسے فی لیٹر کمی کی گئی ہے، نئی قیمت 211 روپے 3 پیسے فی لیٹر مقرر کی گئی ہے۔

لائٹ ڈیزل آئل کی قیمت میں 3 روپے 40 پیسے فی لیٹر کمی کے بعد نئی قیمت 189 روپے 46 پیسے فی لیٹر ہوگی۔

نوٹیفکیشن کے مطابق ڈیزل پر لیوی 5 روپے فی لیٹر بڑھادی گئی، جس کے بعد لیوی 55 روپے سے بڑھ کر 60 روپے فی لیٹر ہوگئی۔ پیٹرول پر 60 روپے فی لیٹر لیوی برقرار رہے گی۔