سابق گورنر خیبرپختونخوا شاہ فرمان کا آئندہ الیکشن سے دستبرداری کا اعلان

admin

اگلے الیکشن میں مجھ سمیت خاندان کا کوئی فرد حصہ نہیں لے گا،پارٹی میں میرے خلاف سازشیں ہو رہی ہیں اور الزامات لگائے جا رہے ہیں، حلقے ورکرز کے لیے چھوڑتا ہوں۔سابق گورنر شاہ فرمان کا ویڈیو پیغام

اسلام آباد (نیوز ڈیسک) پسابق گورنر خیبرپختونخوا شاہ فرمان نے آئندہ الیکشن سے دستبرداری کا اعلان کر دیا۔انہوں نے ایک ویڈیو پیغام میں کہا کہ میں 1996 سے عمران خان اور پی ٹی آئی کے ساتھ ہوں۔میں ایم این اے یا سینیٹر بننے کے لیے عمران خان کے ساتھ نہیں تھا۔اس عرصے کے دوران کئی لوگ چھوڑ گئے لیکن میں عمران خان کے ساتھ کھڑا رہا۔
میں اپنے حلقے ورکرز کے لیے چھوڑ دئیے ہیں۔ اگلے الیکشن میں مجھ سمیت خاندان کا کوئی فرد حصہ نہیں لے گا۔مجھ پر پارٹی سے غداری کے الزامات لگائے جا رہے ہیں۔پارٹی میں میرے خلاف سازشیں ہو رہی ہیں اور الزامات لگائے جا رہے ہیں۔ پارٹی میں پیسے بنانے والوں کو مجھ سے ڈر ہے اس لیے سازشیں کر رہے ہیں۔میں غریب ورکروں کے لیے آواز اٹھاؤں گا۔


دوسری جانب پاکستان تحریک انصاف کے سیکرٹری جنرل عمر ایوب نے پی ٹی آئی میں اختلافات کی خبروں کی تردید کر دی۔
انہوں نے سماجی رابطے کی ویب سائٹ ٹویٹر پر پارٹی میں دراڑیں پڑنے کی خبر دینے والے نجی ٹی وی چینل کا نام لیتے ہوئے کہا کہ جیو نیوز ہمیشہ کی طرح پی ٹی آئی کے حوالے سے من گھڑت خبریں دے رہا ہے۔عمر ایوب نے مزید کہا کہ سابق وزیراعظم عمران خان ہمارے چیئرمین ہیں اور انشا اللہ چیئرمین رہیں گے۔پارٹی یا کور کمیٹی میں کوئی گروپ نہیں ہے۔ عمران خان کے بنائے ہوئے فریم ورک کے مطابق فیصلہ سازی اتفاق رائے سے ہو رہی ہے۔
میں وائس چئیرمین پی ٹی آئی شاہ محمود قریشی کو انتہائی احترام کی نگاہ سے دیکھتا ہوں۔پی ٹی آئی کور کمیٹی اجلاس میں کبھی کوئی جھگڑا نہیں ہوا۔عمر ایوب نے مزید کہا کہ مخالفین کو مایوس کرنے کے لیے معذرت لیکن پی ٹی آئی متحد کھڑی ہے۔ جو آنے والے عام انتخابات میں اللہ کی مرضی اور عوام کی حمایت سے ہمارے مخالفین کو شکست دے گی۔انہوں نے کہا کہ مخالفین انتخابات میں ہمارا مقابلہ کرنے کی تیاری کریں۔


۔خیال رہے کہ جیو نیوز نے دعویٰ کیا تھا کہ پی ٹی آئی کی کور کمیٹی کی میٹنگ کے دوران دو گروپ آمنے سامنے آگئے، سخت جملوں کا بھی تبادلہ ہوا۔ کور کمیٹی کی تفصیلات اور ریکارڈنگ باہر نکلنے پر پی ٹی آئی رہنماؤں نے ایک دوسرے کو غدار قرار دیتے ہوئے الزامات بھی عائد کیے۔

مزید پڑھیں

کسی سے ڈرنے والے نہیں‘ جو بھی ڈی چوک آئے گا اسے گرفتار کریں…
پی ٹی آئی احتجاج؛ اراکینِ قومی اسمبلی عامر ڈوگر، زین قریشی اور متعدد رہنما…
پی ٹی آئی کا شیرازہ بکھر چکا، ’ڈو اینڈ ڈائی‘ والے جلسے کا کیا…
بیلاروس کے وفد کی اسلام آباد آمد، صدر الیگزینڈر لوکاشینکو کل آئیں گے
پی ٹی آئی احتجاج؛ لاہور، راولپنڈی اور پشاور کے درمیان ٹرین سروس بھی بند…
پی ٹی آئی رہنما گرفتاریوں کیلئے خود رابطے کررہے ہیں: عطا تارڑ