چئیرمین پی ٹی آئی عمران خان نے پرویز خٹک کو بھی نئی جماعت بنانے پر ’گڈ لک‘ کہہ دیا
لاہور(نیوز ڈیسک) پاکستان تحریک انصاف کے سربراہ عمران خان کا پرویز خٹک کی جانب سے نئی جماعت کے اعلان پر ردِعمل آ گیا۔ سابق وفاقی وزیر اور سینئر سیاستدان پرویز خٹک نے نئی سیاسی جماعت کا اعلان کیا۔پرویز خٹک کی جانب سے ’ پی ٹی آئی پارلیمنٹیرینز ‘ کے نام سے ایک سیاسی جماعت کا باقاعدہ اعلان کیا گیا۔سابق وزیراعلیٰ محمود خان بھی پرویز خٹک کی جماعت میں شامل ہو گئے ۔
پاکستان تحریک انصاف کے 57 سابق ارکان اسمبلی نے پرویز خٹک کی حمایت کا اعلان کیا۔آج جب عمران خان لاہور ہائیکورٹ میں پیش ہوئے تو اس موقع پر صحافی نے ان سے پرویز خٹک کی جانب سے نئی جماعت بنانے سے متعلق سوال کیا جس کے جواب میں عمران خان نے پرویز خٹک کو ’ گڈ لک ‘ کہا۔
عمران خان کا بڑا پن ♥️، نئی پارٹی بنانے پر پرویز خٹک کے لیے گڈ لک pic.twitter.com/OCvxr7EkD2
— Adv. Mian Omer???????? (@Iam_Mian) July 17, 2023
جب کہ صدر تحریک انصاف خیبرپختونخوا علی امین گنڈا پور نے پرویز خٹک کی نئی پارٹی کے قیام پر ردعمل دیا ہے۔
علی امین گنڈا پور نے ایک آڈیو میسج میں کہا کہ پرویز خٹک کی قیادت میں بے ضمیروں کے ٹولے کی عوام میں کوئی حیثیت نہیں۔ تحریک انصاف بھرپور مقابلہ کرے گی اور عوام کی سپورٹ سے الیکشن جیتے گی۔ آج جو لوگ نئی پارٹی کے قیام پر خوشی منا رہے ہیں یہ ان کی وقتی خوشیاں ہیں۔ صدر پاکستان تحریک انصاف خیبرپختونخوا نے مزید کہا کہ آنے والا دور تحریک انصاف کا ہے۔ تحریک انصاف سے آج بزدلوں کا صفایا ہوگیا۔ آج جانے والے عوام کا سامنا نہیں کرسکیں گے۔ عوام ان کو آئینہ دکھائے گی۔ علی امین گنڈا پور نے مزید کہا کہ آج یہ میڈیا سے چھپ کر آئے الیکشن میں عوام سے چھپیں گے۔تحریک انصاف چھوڑنے والے اپنے زور بازو پر کونسلر کی سیٹ بھی نہیں جیت سکتے اور یہ خود کو پارلیمنٹرین کہتے ہیں۔
