امریکا نے چین کو دھمکی دی ہے کہ اگر اُس نے یوکرین پر جاری حملے میں روس کی عسکری یا مالی مدد کی تو اِس صورت میں چین کو اِس کا خمیازہ بھگتنا پڑے گا۔
خبر رساں ادارے روئٹرز کے مطابق گزشتہ روز امریکی صدر جو بائیڈن نے چینی صدر شی جن پنگ سے دو گھنٹے طویل وڈیو کانفرنس پر بات چیت کی جس میں اُنہوں نے صدر شی جن پنگ کو روس کی کسی بھی قسم کی مدد کے نتائج سے خبردار کیا۔
وائٹ ہاؤس کی پریس سیکرٹری جین ساکی نے اِس حوالے سے ایک پریس کانفرنس میں کہا ہے کہ چین کو اپنے اقدامات پر نظر ثانی کرنا ہوگی اور یہ فیصلہ کرنا ہوگا کہ وہ اِس معاملے میں کس کے ساتھ ہے۔
تاہم ترجمان جین ساکی نے یہ بتانے سے مکمل طور پر گریز کیا کہ روس کی مدد کرنے کی صورت میں چین کو کن نتائج کا سامنا ہو سکتا ہے۔
روئٹرز کے مطابق چین کے میڈیا نے صدر شی جن پنگ کے حوالے سے ایک بیان نشر کیا ہے جس کے مطابق چینی صدر نے یوکرین میں صورت حال کا ذمہ دار روس کو ٹھہرائے بغیر کہا ہے کہ اس تنازع کے حل کے لیے نیٹو کو روس سے مذاکرات کرنے چاہیئیں اور روس کے سلامتی کے حوالے سے خدشات دور کرنے چاہیئیں۔
واضح رہے کہ چین نے ابھی تک یوکرین پر روس کے حملے کی مذمت نہیں کی ہے اور امریکا کو خدشہ ہے کہ وہ روس کی فوجی اور مالی مدد کر سکتا ہے تاہم روس اور چین دونوں ہی اس کی تردید کرتے ہیں۔
پاکستان نے اخراجات میں کمی لانے کا پلان آئی ایم ایف کو پیش کر دیا
آرمی چیف سے ترکیہ کے وزیر خارجہ کی ملاقات، باہمی دلچسپی کے امور پر تبادلہ خیال
آزادی مارچ کیس: عمران خان و دیگر متعدد پی ٹی آئی رہنما بری
ادارے 32 کلومیٹر کے شہر میں کام نہیں کرسکتے تو پھر ان کی ضرورت نہیں، جسٹس محسن اختر کیانی
سپریم لیڈر کی منظوری کے بعد محمد مخبردو ماہ کیلئے ایران کے عبوری صدر مقرر
گرمی کی شدت میں اضافہ، 25 مئی سے چھٹیوں کا اعلان، نوٹی فکیشن جاری
آئندہ بجٹ میں تنخواہیں پوری کرنا بھی حکومت کے بس کی بات نہیں: شیخ رشید
جناح ہاؤس حملہ کیس: پرویز الہٰی کی درخواست ضمانت قبل ازوقت ہونے پر خارج
عدالت کا پنجاب حکومت کو ججز کی تعیناتی کیلئے آخری موقع
روس کی تہران کو مشترکہ تحقیقات کی پیشکش‘14سربراہان مملکت فضائی حادثوں میں جانیں گنواچکے ہیں