بمبار طیاروں نے الاسکا کے قریب غیر جانبدار پانیوں میں 10 گھنٹے طے شدہ پرواز کی،وزارت دفاع
ماسکو (انٹرننیشنل ڈیسک) روس کے دو اسٹریٹیجک بمبار طیاروں نے الاسکا کے قریب پرواز کی ہے۔غیرملکی خبررساں ادارے کے مطابق روسی وزارت دفاع کا بیان میں کہنا تھا کہ روسی ٹی یو 95 اسٹریٹیجک بمبار طیاروں نے الاسکا کے قریب غیر جانبدار پانیوں (بین الاقوامی سمندری حدود)میں 10 گھنٹے طے شدہ پرواز کی۔
گزشتہ روز روسی صدر پیوٹن نے روسی فضائی حدود کے قریب مغربی فوجی طیاروں کی پرواز کی شکایت کی تھی۔ صدر پیوٹن نے کہا تھا کہ مغربی اسٹریٹیجک بمبار طیاروں نے روسی سرحد کے 20 کلومیٹر اندر پرواز کی۔روسی صدر نے مزید کہا تھا کہ مغرب روس کی وارننگز کوبہت ہلکے انداز میں لے رہا ہے۔
