صوبہ بلوچستان کے شہر کوئٹہ میں کانگو وائرس کے شبہ میں ایک مریض فاطمہ جناح اسپتال میں داخل ہوگیا، اس سے قبل بھی کانگو وائرس سے متاثرہ ایک مریض پہلے سے زیرِعلاج ہے جس کی حالت خطرے سے باہر ہے۔
فاطمہ جناح اسپتال کی انتظامیہ کے مطابق کانگو وائرس کے مشتبہ مریض کو دالبندین سے لایاگیا ہے، وائرس کی تصدیق کے لیے مریض کے خون کے نمونے حاصل کرلیے گئے ہیں۔
اس کےعلاوہ مسلم باغ سے لائی گئی کانگو وائرس سےمتاثرہ ایک خاتون مریضہ بھی فاطمہ جناح اسپتال میں زیرِعلاج ہے۔
کانگو وائرس سے متاثرہ مریضہ کی حالت خطرے سے باہر ہے تاہم اُنہیں طبی امداد فراہم کی جارہی ہے۔
