سندھ ہائی کورٹ نے سابق وزیر اور پاکستان پیپلز پارٹی کے رہنما شرجیل میمن کی ملک سے باہر جانے سے متعلق درخواست کی سماعت ملتوی کر دی۔
عدالتِ عالیہ نے شرجیل میمن کے وکیل اور نیب پراسیکیوٹر کی غیرحاضری کے باعث سماعت 13 اگست تک ملتوی کی ہے۔
شرجیل انعام میمن نے اپنی درخواست میں سندھ ہائی کورٹ سے استدعا کی ہے کہ میری بیٹی امریکا میں تعلیم حاصل کر رہی ہے، بیٹی سے ملنے 15 اگست کو ملک سے باہر جانا ہے، اجازت دی جائے۔
شرجیل انعام میمن کے خلاف 2 ریفرنسز احتساب عدالتوں میں زیرِ سماعت ہیں۔
شرجیل میمن کے خلاف محکمۂ انفارمیشن میں غیر قانونی بھرتیوں کی انکوائری بھی جاری ہے۔
پیپلز پارٹی کے رہنما شرجیل میمن نے سندھ ہائی کورٹ سے ضمانت حاصل کر رکھی ہے۔
