سکھوں اور پاکستان کے ساتھ ساتھ افغانستان پر میزائل فائر کرنے والی بھارت کی ادھم جی ائیر بیس بھی تباہ کردی گئی
راولپنڈی ( نیوز ڈیسک ) پاکستان نے سائبراٹیک سے بھارت کے 70 فیصد بجلی کے گرڈ ناکارہ کردیئے۔ سکیورٹی ذرائع کے مطابق پاکستان سائبر اٹیک ٹیم نے بھارتی مہاراشٹرا سٹیٹ الیکٹرسٹی ٹرانسمیشن کمپنی لمیٹڈ پر سائبر حملہ کیا، پاکستانی سائبر اٹیک ٹیم نے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کرلیا، پاکستانی سائبر حملے کے نتیجے میں بجلی مکمل طور پر بند ہوگئی، اس حملے کے نتیجے میں مہاراشٹر سٹیٹ کے تمام کمرشل اور ڈومیسٹک میٹرز کا ریکارڈ اڑا دیا گیا۔
اس کے علاوہ پاک فوج نے ہندوستان کے خلاف جاری آپریشن بنیان مرصوص (آہنی دیوار) میں ایک بڑی کامیابی حاصل کرلی، جس میں سکھوں، پاکستان اور افغانستان پر میزائل فائر کرنے والی آدم جی ائیر بیس کو تباہ کر دیا گیا، یہ آدم پور ائیر فیلڈ وہ ائیر فیلڈ ہے جہاں سے امرتسر میں سکھوں پر اور اس کے علاوہ پاکستان اور افغاستان پر میزائل داغے گئے، اس ائیر فیلڈ کو مکمل طور پرتباہ کر دیا گیا ہے۔
بتایا گیا ہے کہ پاک فوج کی جانب سے بھارتی جارحیت کے خلاف آپریشن بنیان مرصوص شروع کردیا گیا ہے، آپریشن کے آغاز پر براہموس سٹوریج سائیٹ، ائیر بیس ادھم پور اور پٹھان کوٹ ائیر فیلڈ کو تباہ کر دیا گیا، جس کے لیے پاک فوج نے آپریشن بنیان مرصوص کا باقاعدہ آغاز ہفتہ کی علی الصبح کیا، پاک فوج نے آپریشن کے آغاز پر ہی بھارت کی دفاعی تنصیبات پر میزائل داغے جس سے اب تک براہموس کی سٹوریج تباہ ہوگیا، پاک فوج کے آپریشن کے دوران ائیر بیس ادھم پور کو تباہ کر دیا گیا، پاک فوج نے میزائل داغے جس سے پٹھان کوٹ میں ائیر فیلڈ بھی تباہ ہو گئی۔
سکیورٹی ذرائع نے بتایا کہ پاکستان کی مسلح افواج کی جانب سے پوری طاقت کے ساتھ آپریشن بنیان مرصوص (آہنی دیوار) کا آغاز بھارت کی ان بیسز کو ہدف بناتے ہوئے کیا گیا جہاں سے پاکستان کی مساجد، خواتین اور بچوں پر حملے کیے گئے، پاکستان کی مسلح افواج کی جانب سے 3 فتح میزائل فائر کیے گئے جن کا ہدف بیاس کے علاقے میں براہموس سٹوریج سائیٹ، ائیر بیس ادھم پور اور پٹھان کوٹ ائیر فیلڈ تھا، ان تینوں تنصیبات کو مکمل طور پر تباہ کر دیا گیا ہے، پاک فوج کے اپنے میزائل سے کامیاب نشانہ لگاتے ہوئے بھارتی بریگیڈ ہیڈکوارٹر کے جی ٹاپ اورسپلائی ڈپو اڑی کو تباہ کردیا۔
