عمران خان خاموش کیوں ہوں؟ کیا یہ انڈیا چاہتا ہے کہ وہ ملک کیلئے بات نہ کریں؟ علیمہ خان کے سوالات

وہ کون ہے؟ نام لیں اس کا کہ وہ کون ہے جو خاموش کروانا چاہتا ہے؟ سابق وزیراعظم کی ہمشیرہ کی میڈیا سے گفتگو

راولپنڈی ( نیوز ڈیسک ) پاکستان تحریک انصاف کے قائد عمران خان کی ہمشیرہ علیمہ خان نے صحافیوں سے ہی کئی سوالات پوچھ لیے۔ میڈیا سے گفتگو کرتے ہوئے انہوں نے کہا کہ عمران خان خاموش کیوں ہوں؟ کیا یہ انڈیا کروانا چاہ رہا ہے کہ وہ ملک کیلئے بات نہ کریں؟ وہ کون ہے؟ نام لیں کون ہے وہ جو خاموش کروانا چاہتا ہے؟ عمران خان آخری بار جب ہم سے ملے تو انہوں نے پوچھا “کہہ دیا تھا کہ میں نہ پریشر لوں گا اور نہ ہی ڈیل کروں گا؟” جس پر میں نے کہا ہاں جی کہہ دیا تھا کہ آپ کہہ رہے میں ڈیل نہیں کروں گا، اس طرح عمران خان مجھ سے چیک کرتے ہیں کہ میں نے ان کی کہی ہوئی بات کو ویسے ہی کہا یا نہیں۔
عمران خان کی ہمشیرہ ے کہا کہ امریکی وفد اپنی مرضی سے پاکستان آ رہا ہے، ہمیں اس بارے میں کچھ علم نہیں، ہم تو وہی بات کرتے ہیں جو عمران خان ہمیں بتاتے ہیں، عمران خان کو تو بہت پہلے ہی ملک چھوڑنے یا 2 سال کیلئے خاموش ہونے کی پیشکش دی گئی تھی، ،3 ہفتے ہو گئے ہیں عمران خان سے ہماری ملاقات نہیں کروائی جا رہی، آپ انہیں بند کر کے کس چیز کا انتظار کر رہے ہیں؟ آج اگر بانی پی ٹی آئی سے ملاقات نہیں کرائی جاتی تو وہاں دھرنا دیں گے۔
بتایا جارہا ہے کہ پاکستان تحریک انصاف کے رہنماءاور جیل میں ملاقاتوں کیلئے کوآرڈینیٹرسلمان اکرم راجہ نے عمران خان سے ملاقات کیلئے پارٹی رہنماﺅں کی لسٹ جیل سپرنٹنڈنٹ کو بھجوا دی ہے ، اڈیالہ جیل کے سپرنٹنڈنٹ کو بھجوائی گئی لسٹ میں بانی پی ٹی آئی کی دونوں بہنوں علیمہ خان او ر عظمی خان کے نام شامل ہین، اس کے علاوہ ملاقات کرنے والے جن افراد کی لسٹ بھجوائی گئی ہے ان میں بشریٰ کی سابق ترجمان مشال یوسفزئی ،چوہدری ظہیر عباس،مبشر نسوانہ،مبشر رحمان ،سلمان اکرم راجہ اور نیاز اللہ نیازی کے نام شامل ہیں جب کہ علیمہ خان کی جانب سے عمران خان سے ملاقات نہ ہو نے کی صورت میں جیل کے باہر دھرنا دینے کے اعلان پر پولیس نے سکیو رٹی پلان تیار کر لیا ، پولیس نے اپنا سکیورٹی پلان ترتیب دیتے ہوئے پولیس کے جوانوں کی اضافی نفری طلب کر لی ہے، اڈیالہ روڈ اور جیل کے اطراف میں آٹھ اضافی ناکہ بندیاں قائم کی جائیں گی ۔