سماعت بغیرقانونی وجہ کے منسوخ یا ملتوی نہیں کی جاسکتیں،درخواست میں عدالت سے یہ استدعا بھی کی گئی ہے کہ توشہ خانہ ٹو کیس کی سماعت اڈیالہ جیل میں کروائی جائے
اسلام آباد ( نیوز ڈیسک ) توشہ خانہ 2 کیس باربارکیوں ملتوی ہورہاہے، بانی پی ٹی آئی عمران خان نے وجوہات جاننے کیلئے درخواست دائر کردی،بانی پی ٹی آئی نے اپنے وکلاء کے ذریعے توشہ خانہ ٹو کیس بار بار ملتوی کرنے پر اور اس کی وجوہات بتانے کیلئے سپیشل جج سینٹرل اسلام آباد کی عدالت میں درخواست دائر کی ہے،درخواست میں کہاگیا ہے کہ بانی پی ٹی آئی عمران خان کی حاضری کے بغیر سماعت ملتوی یا منسوخ کرنا سنجیدہ معاملہ ہے۔
سماعت بغیرقانونی وجہ کے منسوخ یا ملتوی نہیں کی جاسکتیں۔درخواست میںعدالت سے یہ استدعا بھی کی گئی ہے کہ توشہ خانہ ٹو کیس کی سماعت اڈیالہ جیل میں کروائی جائے اور بانی پی ٹی آئی کی کیس میں حاضری بھی لگوائی جائے۔درخواست میںیہ بھی کہاگیا ہے کہ ملزم کی حاضری کو دیکھنا ضروری ہے۔
15 روز سے زائد ریمانڈ نہیں دیا جاسکتا۔ عدالت تسلسل کے ساتھ سماعت موخر یا ملتوی نہ کرے اور باقاعدہ وجوہات بتائے۔
وکلا کی جانب سے درخواست میں موقف اختیار کیا گیا ہے کہ توشہ خانہ ٹو کیس کی اڈیالہ جیل میں سماعت مقرر تھی جسے اچانک منتقل کردیاگیا۔ توشہ خانہ ٹو کیس کی سماعت اڈیالہ جیل کے بجائے جوڈیشل کمپلیکس جی الیون میں ہوئی تھی۔ 27 فروری۔ 11 مارچ کو بھی توشہ خانہ ٹو کیس کی سماعت منسوخ یا ملتوی کردی گئی تھیں۔دوسری جانب ایف آئی اے عدالت اسلام آباد میں آج بانی پی ٹی آئی عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی سماعت بغیر کسی کارروائی کے 14 اپریل تک کیلئے ملتوی کردی گئی۔
قبل ازیں بھی توشہ خانہ کیس ٹو کی سماعت بغیر کارروائی ملتوی کی تھی جس کے بارے میں عدالتی عملے نے بانی پی ٹی آئی کے وکلاءکو آگاہ کر دیا تھا۔بانی پی ٹی آئی کے وکیل خالد یوسف چوہدری کا کہنا تھا کہ عدالتی عملے نے فون پر بتایا تھا کہ کیس کی سماعت نہیں ہوگی۔
