بانی پی ٹی آئی سے کل مختصر ملاقات ہوئی،عمران خان نے کہا کہ میں اور آپ ایک ہیں جو ہوا سو ہوا اسے بھلا دیں، میں نے بانی پی ٹی آئی کوبتایا 40 دن کے چلے میں مجھ پر کوئی تشدد نہیں ہوا ، سربراہ عوامی مسلم لیگ کی میڈیا سے گفتگو
اسلام آباد ( نیوز ڈیسک ) عوامی مسلم لیگ کے سربراہ شیخ رشید کا کہنا ہے کہ بانی پی ٹی آئی عمران خان کل جذباتی انداز میں مجھ بغل گیر ہوئے،کل بانی پی ٹی آئی سے مختصر ملاقات ہوئی،عمران خان نے کہا کہ میں اور آپ ایک ہیں جو ہوا سو ہوا اسے بھلا دیں،سپریم کورٹ کے باہر میڈیا سے گفتگو کرتے ہوئے سربراہ عوامی مسلم لیگ نے کہا کہ میں نے کل بانی پی ٹی آئی عمران خان کوبتایا 40 دن کے چلے میں مجھ پر کوئی تشدد نہیں ہوا۔
عمران خان سے بڑے عرصے بعد ملاقات ہوئی عمران خان نے گلے لگایا اور بوسہ لیا۔عمران خان سے مل کر بہت خوشی ہوئی۔ ان سے کمرہ عدالت میں گپ شپ ہوئی۔انہوں نے کہا کہ اوورسیز پاکستانی ملک کو معاشی تباہی سے بچائیں گے۔ میں نے ہی اوورسیز پاکستانی کو ووٹ کا حق دینے کیلئے درخواست دی تھی۔
واضح رہے کہ چند روز قبل بھی سربراہ عوامی مسلم لیگ نے کہا تھا کہ سربراہ عوامی مسلم لیگ اور سابق وفاقی وزیرشیخ رشید احمد نے پیش گوئی کی ہے کہ 30دسمبر سے پہلے اچھی خبریں آئیں گی۔
شیخ رشید کا کہنا تھا کہ پاکستانی سیاست میں رنگینی آئے گی جب ن لیگ اور پیپلزپارٹی نئی صورتحال سے گزریں گے۔ خدا کو گواہ بنا کر کہتا ہوں کسی سے کوئی رابطہ نہیں، چاہتا ہوں بے شک تنگ گلی سے حل نکلے۔ بانی پی ٹی آئی سمیت تمام لوگوں کورہائی ملنی چاہئے۔انہوں نے میڈیا سے بات کرتے ہوئے کہا تھا کہ اس ملک میں آئین ہے نہ قانون اور نہ ہی انصاف تھا۔
جن لوگوں نے ملک کو معاشی طور پر ڈیفالٹ کیا ان کے بیٹوں نے وہاں بھی تباہ کیا تاکہ ٹیکس نہ دینا پڑے ۔شیخ رشید کا کہنا تھا کہ غریب تو مر گیا ہے۔آئی ایم ایف وفد جارہا تھا۔غریب اور مرجائے گا۔ پی ٹی آئی والے میرے سے خفا ہوتے تھے۔جنرل عاصم منیر سے درخواست کی تھی کہ غریب کے بچوں کے حالات ان کو پتہ نہیں ،گھر کا چولہا بھی نہیں جل رہاتھا۔ ہم نے 60تعلیمی ادارے بنائے ہیں بچوں کے پاس داخلے کی فیس نہیں، لال حویلی میں رابطہ کریں راولپنڈی کی ساری بچیوں کی فیس ہم دیں گے۔
پہلے بھی اپیل کرچکا ہوں بے گناہ لوگوں کو رہا کیا جائے، 102ملزمان ایسے ہیں جنہوں نے ابھی تک وکیل ہی نہیں کیا، ا?ئی ایل ایف اور دوسرے لوگ ان کے وکالت نامے داخل کریں گے۔ چالان کی نقول تقسیم کی گئی ہیں، ہمیں کوئی نہیں دی گئی تھی۔ یہ کیسز بہت لمبے جائیں گے،گیارہ کیسز میرے خلاف تھے۔
