عمران خان کی یہ آخری احتجاجی کال ہے لیکن اسٹیبلشمنٹ کی طرف سے یہ آخری کال نہیں

اسٹیبلشمنٹ کیلئے یہ شوغل میلہ ہے، فائنل راؤنڈ اس کے بعد والا ہوگا، یہ دھرنا لوگوں کو مروانے کیلئے پہلے جیسا فلاپ شو ہوگا، دھرنے میں نہ بلبلا پھٹے گا اور نہ کوئی آزادی ہوگی۔ سینئر سیاسی رہنماء سینیٹر فیصل واوڈا

اسلام آباد ( نیوز ڈیسک ) سینئر سیاسی رہنماء سینیٹر فیصل واوڈا نے کہا ہے کہ عمران خان کی یہ آخری احتجاجی کال ہے لیکن اسٹیبلشمنٹ کی طرف سے یہ آخری کال نہیں ،اسٹیبلشمنٹ کیلئے یہ شوغل میلہ ہے، سیکنڈ لاسٹ اور فائنل راؤنڈاس کے بعد والا ہوگا، پی ٹی آئی کا دھرنا لوگوں کو مروانے کیلئے پہلے جیسا فلاپ شوہوگا، نہ دھرنا ہوگا نہ بلبلا پھٹے گا اور نہ کوئی آزادی ہوگی۔
انہوں نے نجی نیوز چینل کے پروگرام میں گفتگو کرتے ہوئے کہا کہ میں حکومت کا اتحادی نہیں ہوں مجھ پر ابھی تنا برا وقت نہیں آیا،کوئی کہے کہ میں حکومت کا اتحادی ہوں تو طنز لگتا ہے، حکومت کی اچھی چیز ہوگی تو سپورٹ کروں گا ورنہ سپورٹ نہیں کروں گا، میں ایس آئی ایف سی کا خیرخواہ ہوں۔
26ویں آئینی ترمیم کا ڈرامہ تھا ہم نے کہا تھا منظور ہوگی، ڈنکے کی چوٹ پر 26ویں آئینی ترمیم منظور ہوگئی، ویسے تو 27ویں آئینی ترمیم بھی منظور ہوجائے گی۔

ججز کا معاملہ ، فورسز کے چیف کی مدت ملازمت بڑھ گئی، پھر برطانیہ اور امریکا سے بھی خط آئے گئے کچھ نہیں ہوا۔ انہوں نے کہا کہ میں عمران خان کو میں سیاسی طور پر بچانا چاہتا ہوں لیکن ان کے اردگرد کے لوگ وہی کررہے ہیں جو میں نے تسلسل سے کہا تھا، بانی کی اہلیہ رہا ہوں گی کوئی کیس نہیں ہوگا، سیاست میں حصہ لیں گی۔ انہوں نے کہا کہ 9 مئی واقعے میں کچھ لوگ نظروں سے اوجھل ہیں، دھرنے میں ان کو ڈھونڈا جائے گا۔
حماد اظہر ہے یا مراد سعید اس کا میں نہیں کہہ رہا، مراد سعید تو مجھے آئندہ دنوں بھی نظر نہیں آرہا، کیونکہ مراد سعید اگر پکڑا گیا تو عمران خان اور فیض کوکوئی بندہ نہیں صرف اللہ ہی بچاسکتا ہے۔ یاد ررکھیں خیبرپختونخواہ بھی پاکستان کا حصہ ہے اگر وہاں کوئی مشکوک سرگرمی نظر آئے گی تو ریڈ کرنے میں دیر نہیں لگے گی، ریوو، ویوو ویگو ڈالوں کے الزام لگاتے رہیں اس سے بھی کوئی پیچھے نہیں ہٹ رہا، منہ پر ماسک لگانے کے الزام سے بھی پیچھے نہیں ہٹیں گے۔
یہ دھرنا بھی لوگوں کو مروانے کیلئے کیا جارہا ہے، جیسے پہلے فلاپ شو ہواتھا، خیبرپختونخواہ حکومت کی مشینری ہوگی اور ساتھ 6، 7 ہزار لوگ ہوں گے، نہ دھرنا ہوگا نہ بلبلا پھٹے گا اور نہ کوئی آزادی ہوگی۔ یہ عمران خان کی طرف سے آخری کال ہے، لیکن اسٹیبلشمنٹ کی طرف سے سیکنڈلاسٹ یا آخری کال نہیں ہے ، یہ شوغل میلہ ہے، اس کے بعد والا فیز سیکنڈ لاسٹ اور فائنل راؤنڈ ہوگا۔