میرے خلاف 25 جعلی کیس بنے 25 کیس مزید بنالیں تو بھی عمران خان کے ساتھ ہوں اور رہوں گا؛ مرکزی صدر پی ٹی آئی کا بیان
لاہور : ( نیوز ڈیسک ) پاکستان تحریکِ انصاف کے مرکزی صدر چوہدری پرویز الہٰی نے کہا ہے کہ آج نیب نے جھوٹی خبر چلوائی ہے۔
اپنے بیان میں پرویز الہٰی نے کہا ہے کہ سیکڑوں سرکاری ملازمین کو اغوا کر کے مار پیٹ سے پلی بارگین کی گئی، انہوں نے جو پیسے دیے خوامخواہ مجھ سے منسلک کیا جا رہا ہے۔
انہوں نے کہا ہے کہ سب جھوٹ ہے، میں نے کرپشن کی نہ کوئی پلی بارگین کی ہے، میرے خلاف 25 جعلی کیس بنے، 25 کیس مزید بھی بنا لیں، میں بانی پی ٹی آئی کے ساتھ ہوں اور رہوں گا انشااللہ ۔
واضح رہے کہ آج کرپشن اسکینڈل میں نیب لاہور کی ریکوری کے طور پر ڈپٹی چیئرمین نیب نے 3 کروڑ 68 لاکھ روپے کا چیک پنجاب حکومت کے حوالے کر دیا تھا۔
