پی ٹی آئی ایم این اے کی پارلیمنٹ ہاوس کے باہر سے گرفتاری، مزید پی ٹی آئی رہنماوں کی گرفتاری کا امکان، اسلام آباد پولیس نے ریڈ زون کو سیل کر دیا
اسلام آباد ( نیوز ڈیسک ) شیر افضل مروت کو گرفتار کر لیا گیا۔ تفصیلات کے مطابق پاکستان تحریک اںصاف کے ایم این اے شیر افضل مروت کو پارلیمنٹ ہاوس کے باہر سے گرفتار کر لیا گیا۔ میڈیا رپورٹس کے مطابق شیر افضل مروت کو پارلیمنٹ ہاوس کی عمارت سے باہر آنے پر اسلام آباد پولیس نے گرفتار کر لیا، اس دوران گارڈز اور پولیس اہلکاروں کے درمیان ہاتھا پائی بھی ہوئی۔
پولیس نے شیر افضل مروت کی گاڑی کو بھی تحویل میں لے لیا۔ شیر افضل مروت کے بعد شعیب شاہین کو بھی گرفتار کر لیا گیا، دونوں رہنماوں کو گرفتاری کے بعد تھانہ سیکرٹریٹ منتقل کر دیا گیا ہے۔ میڈیا رپورٹس کے مطابق مزید پی ٹی آئی رہنماوں کی گرفتاری کا بھی امکان ہے۔ اسلام آباد پولیس نے ریڈ زون کو سیل کر دیا ہے۔
اسلام آباد جلسے میں معاہدے کی خلاف ورزی کے الزام پر عمر ایوب خان اور زرتاج گل کو بھی گرفتار کیے جانے کا امکان ہے۔
شیر افضل مروت کی گرفتاری کے بعد تحریک انصاف کے مزید رہنماؤں اور اراکین اسمبلی نے پارلیمنٹ ہاؤس میں ہی رکنے کا فیصلہ کیا ہے۔ میڈیا رپورٹس کے مطابق اسلام آباد پولیس نے تحریک انصاف کے 9 مرکزی رہنماوں کو گرفتار کرنے کا فیصلہ کیا ہے۔ اسلام آباد پولیس کی جانب سے تحریک اںصاف کے گزشتہ روز کے جلسے میں شرائط کی خلاف ورزی کے الزام پر پی ٹی آئی رہنماوں کو 3 مختلف مقدمات میں نامزد کر کے گرفتار کرنے کا فیصلہ کیا گیا۔
