اسلام آباد (جنرل رپورٹر) آزاد کشمیر الیکشن میں بھی پاکستان تحریک انصاف کی ٹکٹوں کی تقسیم پر کارکنوں نے عدم اعتماد کا اظہار کردیا ، وزیراعظم عمران خان کی بنی گالہ میں رہائش گاہ کے قریب پی ٹی آئی کارکنوں سراپا احتجاج بن گئے۔ تفصیلات کے مطابق بنی گالہ میں وزیراعظم عمران خان کی رہائش گاہ کے قریب تحریک انصاف کے کارکنوں کی کثیر تعداد جمع ہوگئی جنہوں نے آزاد کشمیر الیکشن میں پاکستان تحریک انصاف کی ٹکٹوں کی تقسیم پراحتجاج کیا ، اس موقع پر پی ٹی آئی کارکنوں نے آزادکشمیر انتخابات کے لیے ٹکٹوں کی تقسیم پر انصاف کا مطالبہ کیا اور موقف اختیار کیا کہ پیراشوٹرز اور سرمایہ داروں کو آزادکشمیر میں ٹکٹس دئیے گئے۔
خیال رہے کہ وزیراعظم عمران خان نے آزاد کشمیراسمبلی کے انتخابات کے لیے امیدواورں کے ناموں کی منظوری دے دی جس کے بعد حکمران جماعت پاکستان تحریک انصاف نے آزاد کشمیر اسمبلی کے الیکشن کے لیے امیدواروں کو ٹکٹ جاری کر دئیے۔
وفاقی وزیر اطلاعات فواد چوہدری نے بتایا ہے کہ کچھ نشستوں پر امیدواروں کا اعلان بعد میں کیا جائے گا جب کہ ایل اے 1 سے اظہر صادق ، ایل اے 2 سے ظفر انور، اور ایل اے 3 سے بیرسٹر سلطان محمود پی ٹی آئی کے امیدوار ہوں گے ، جب کہ ایل اے 4 سے چوہدری ارشد ، ایل اے6 سے علی شان سونی ، ایل اے7 سے چوہدری انوار الحق ، ایل اے 8 سے ظفراقبال ملک ، ایل اے11 چوہدری محمد اخلاق اور ایل اے12 سے شوکت فرید کو ٹکٹ جاری کیا گیا ، اس کے علاوہ ایل اے 14 سے میجرریٹائرڈ لطیف خلیق اور ایل اے15 سے سردار تنویر الیاس ، ایل اے 18 سےسردار قیوم نیازی، ایل اے 19سے سردارارزش سدوزئی ، ایل اے 22 سے سردار صغیر چغتائی، ایل اے24 سے فہیم اختر ربانی اور ایل اے25 سےسردار گل خندان کو ٹکٹ جاری کیا گیا ہے۔
بتایا گیا ہے کہ آزاد کشمیر اسمبلی کے حلقہ ایل اے 26 سے میاں شفیق ، ایل اے27 سے سردار تبارک علی ، ایل اے 28 سے چوہدری شہزاد ، ایل اے 29 سے خواجہ فاروق احمد ، ایل اے سے 30 محمد راشد اور ایل اے 31 سے راجہ منصور خان کو ٹکٹ دیا گیا ہے ، ایل اے 33 سے دیوان علی خان چغتائی ، ایل اے 34 سے ریاض احمد ، ایل اے35 سے مقبول احمد ، ایل اے 36 سے حافظ حامد رضا ، ایل اے 37 سے محمد اکمل سرگالہ ، ایل اے 38 سے اکبر چوہدری پی ٹی آئی کے امیدوار ہوں گے۔
فہرست کے مطابق ایل اے 39 سے نازیہ نیاز ، ایل اے سے 40 سلیم بٹ ، ایل اے41 سے غلام محی الدین دیوان ، ایل اے سے 42 عاصم شریف ، ایل اے سے 43 جاوید بٹ جب کہ ایل اے 45 سے عبدالماجد خان کو ٹکٹ دیا گیا ہے تاہم ایل اے 5 ، ایل اے9 ، ایل اے 10 ، ایل اے 13 ، ایل اے 16 ، ایل اے 17 ، ایل اے 20 ، ایل اے 21 ، ایل اے 23 ، ایل اے 32 اور ایل اے 44 سے ابھی ٹکٹ جاری نہیں کیے گئے۔
